«Громотуха» демалыс орны Риддер қаласынан 10 шақырым жердегі қарағайлы орманның түбінде, яғни Шығыс Қазақстан тас жолынан бір шақырым жерде орналасқан. Ол 2001 жылы ашылған. 14 ағаш үйі мен 180-200 жатын орны, монша, фитобөшке, спорттық алаңдар, фонтан, бассейн, жаздық бунгало, медпункты бар бұл мекенде сіз естен кетпес демалыс күндерін өткізе аласыз.

Батыс Алтайдың бауырындағы Риддер қаласынан өтіп, қалың тай­гаға сұғына түскенде алды­ңыздан «Громотуха» атты демалыс базасы көрінеді. Осы туристік орталыққа келушілердің назары алдымен екі ит сүйреп жүрген шанаға ауа­тыны рас. Әдетте, ит жеккен сырғымаларды біз Сі­бірде тұратын халықтар туралы деректі фильм­дерден ғана көретінбіз. Мұ­ның да содан айырмасы жоқ. Өйт­кені, Аляска мала­муттары адам отырған шананы алшаң баса сүй­рейді. Аляска маламуттары де­мек­ші, бағзыда мәңгі қар басқан мекенде эскимостар қолға үй­реткен қасқыртектес тұқымды қызыға тамашаладық. Бөріге туыс­тығы үрмейтіндігі мен түр-түсінде сияқты. Негізінен тірсекті, мығым келетін бұл тұқым адамдарға өте үйірсек болады екен.