Қаратау жотасы Оңтүстік Қазақстанда Сырдария өзенінің солтүстігінде орналасқан.

Қаратау жоталары ежелден-ақ адамдардың тіршілік етуіне қолайлы аймақ болғандығы ондағы тас, қола және темір дәуірлерінен қалған мәдени ескерткіштерден (тасқа салынған суреттер, адам тұрақтары) айқын байқалады. Адамзаттың көне тарихын, қола дәуіріндегі халықтардың тұрмыс-тіршілігінен, дүниетанымынан мол мағлұмат беретін Қаратау палеолиттік және геоморфологиялық нысандары Бүкіләлемдік мұралардың тізіміне үміткер ретінде 1998 жылдың 24 қыркүйегінде ұсынылды.

Көптеген тастан жасалған археологиялық қазба ескерткіштер палеолиттың басынан (б.з.б.1 млн жыл) неолитке (б.з.б. 6500 жыл) дейін мәдени эволюциясының көптеген кезеңдерінің куәсі болып табылады.