Еліміздегі туризмді дамытудың стратегиялық басымдықтары ҚР туризм индустриясын дамытудың 2019-2025 жылдарға арналған мемлекеттік бағдарламасында көрсетілген. Оның аясында Алматыда тау кластерін дамыту бар.

Қаланың туризм басқармасы атап өткендей, мегаполистегі эпидемиологиялық жағдайға дейін туристердің жыл сайын өсуінің оң динамикасы болған.

«Әрбір екінші шетелдік турист Алматыға келді. Соңғы 5 жылда шетелдік туристер саны 301 мыңнан 435,6 мың адамға дейін 1,4 есеге өсті. Ал ішкі туристер саны 2,1 есе 420 мыңнан 898 мыңға дейін. Сонымен бірге туристердің жалпы саны 85% -ға өсті. Орташа жылдық өсу қарқыны 10-12% аралығында болды», - дейді басқарма мамандары.

Алайда, 2020 жылы туризм индустриясы коронавирус пандемиясынан көп зардап шеккен салаларының бірі болды.

«Алматыға 2020 жылдың 11 айында 152,7 мың шетелдік турист келді. Бұл өткен жылмен салыстырғанда 72,5% -ға аз. Ішкі туристердің саны 422 мың адамды құрады», - деп атап өтті туризм басқармасы.

Сарапшылардың пікірінше 2021 жылы Алматыда сыртқы және ішкі туристердің саны 25% артады.

«Эпидемиологиялық жағдай жақсарса, биыл Алматыға 1 миллион турист келеді деп күтілуде. Ал 2024 жылға қарай 2019 жылдың деңгейіне жеткізу жоспарда (1,3 млн адам)», - деп толықтырды басқармадағылар.